മൺമറഞ്ഞുപോയ ഒരു വ്യക്തി വർത്തമാനകാലത്തിന്റെ ഒാർമ്മകളിലേക്ക് തിരികെ വന്നിരിക്കുന്ന അനുഭവം പകർന്നു നല്കുന്ന ജീവചരിത്രം. പുതിയ തലമുറയുടെ ഒാർമ്മയിൽ കടന്നുകൂടിയിട്ടില്ലാത്ത ഫാ. ജോൺ കിഴക്കൂടൻ എന്ന വ്യക്തിയുടെ സ്വഭാവസവിശേഷതകളും മതസാമൂഹ്യ സാംസ്കാരിക തലങ്ങളിൽ അദ്ദേഹത്തിന്റെ ഇടപെടലും സവിസ്തരം ഇവിടെ അപഗ്രഥന വിധേയമാക്കുന്നുണ്ട്. ഒരു സന്യാസ
സമൂഹത്തെ, കാലത്തിനും ലോകത്തിനുമായി അവതരിപ്പിക്കാൻ ശ്രമിച്ചപ്പോൾ അദ്ദേഹം നേരിട്ട വെല്ലുവിളികളും അനുഭവിച്ച സമ്മർദ്ദങ്ങളും വായനക്കാർക്ക് പുതിയ പല തിരിച്ചറിവുകളും നല്കുന്നുണ്ട്. അതുകൊണ്ടുതന്നെ ഒാരോ സന്യാസസമൂഹത്തിലും റഫറൻസ് ഗ്രന്ഥമായി ഉണ്ടായിരിക്കേണ്ട പുസ്തകം കൂടിയാണ് ഇത്. സന്യാസസമൂഹസ്ഥാപനത്തിൽ നേരിട്ട പ്രതിസന്ധികളെ ദൈവകൃപയിലാശ്രയിച്ച് മറി കടന്ന ജോണച്ചന്റെ അനുഭവങ്ങൾ ഏതു പ്രതികൂലങ്ങളെയും ആത്മവിശ്വാസത്തോടെ നേരിടാൻ വായനക്കാരന് പ്രേരണയും നല്കുന്നുണ്ട്. മർത്താസന്യാസിനി സമൂഹത്തിന്റെ സ്ഥാപകൻ എന്ന നിലയിൽ മാത്രമല്ല അതിനുമപ്പുറമായിരുന്നു അദ്ദേഹം കാഴ്ച വച്ച സേവനങ്ങൾ. ജോണച്ചൻ ആരായിരുന്നു, എന്തായിരുന്നു എന്നെല്ലാം എല്ലാവർക്കും മനസ്സിലാക്കാൻ ഇൗ കൃതി കൂടുതൽ ഇടങ്ങളിലേക്ക് എത്തേണ്ടത് ഇന്നിന്റെ ആവശ്യമാണ്.
വല്യച്ചൻ
സിഎസ്എം പബ്ലിക്കേഷൻസ്
വില :100
വല്യച്ചൻ
Date: