ഫോറൻസിക് സയൻസിൽ മാസ്റ്റർ ബിരുദ പഠനം ഇപ്പോൾ കുസാറ്റിലും അവസരം.കൊച്ചി ശാസ്ത്ര സാങ്കേതിക സർവ്വകലാശാലയാണ്, കേരള പോലീസ് അക്കാദമിയുടെ സഹകരണത്തോടെ എം.എസ്.സി ഫോറൻസിക് സയൻസ് കോഴ്സ്, ഈ അധ്യയന വർഷം ആരംഭിക്കുന്നത്. കോഴ്സിലേയ്ക്കുള്ള പ്രവേശനത്തിന് ഇപ്പോൾ അപേക്ഷ ക്ഷണിച്ചിട്ടുണ്ട്.
സംവരണം:
കേരള പോലീസ് അക്കാദമി സ്പോൺസർ ചെയ്യുന്ന പോലീസ് ഉദ്യോഗസ്ഥർ (5), ഭിന്നശേഷി (1), ഇ ഡബ്ലിയു എസ് (2), ട്രാൻസ്ജെൻഡർ (2) വിഭാഗങ്ങൾക്ക് 10 സീറ്റകൾ സംവരണം ചെയ്തിട്ടുണ്ട്.സംവരണവിഭാഗത്തിൽ പെട്ടവർക്ക് നിയമാനുസൃ ത ഇളവ് ലഭിക്കും.ഇതു കൂടാതെ 15 ജനറൽ സീറ്റുകളിലേക്കും പ്രവേശനമുണ്ട്.
കാലാവുധി
രണ്ടു വർഷം ദൈർഘ്യമുള്ള കോഴ്സിന് നാല് സെമസ്റ്ററു കളാണുള്ളത്.
അടിസ്ഥാനയോഗ്യത
അംഗീകൃത സർവ്വകലാശാലയിൽ നിന്ന് 55% ൽ കുറയാത്ത മാർക്ക്/ഗ്രേഡോടെ ബി.എസ് സി/ബി.വോക് ഫോറൻസിക് സയൻസ്, ബി.വോക് അപ്ലൈഡ് മൈക്രോ ബയോളജി & ഫോറൻസിക് സയൻസ്, ബിഎസ്സി സുവോളജി/ബോട്ടണി/കെമിസ്ട്രി/ഫിസിക്സ്/മൈക്രോബയോളജി/മെഡിക്കൽ മൈക്രോബയോളജി/ബയോകെമിസ്ട്രി/മെഡിക്കൽ ബയോടെക്നോളജി/ബയോടെക്നോളജി/ജനറ്റിക്സ്/കമ്പ്യൂട്ടർ സയൻസ്/ഇൻഫർമേഷൻ ടെക്നോളജി , ബി.ടെക്. കമ്പ്യൂട്ടർ സയൻസ്/ഇൻഫർമേഷൻ ടെക്നോളജി, ബി.സി.എ.എന്നിവയിലേേതെങ്കിലുമൊൊന്നി ബിരുദമുള്ളവർക്ക് അപേക്ഷിക്കാവുന്നതാണ്‌.
അപേക്ഷാഫീസ്:
ജനറൽ, ഒ.ബി.സി. വിഭാഗത്തിലുള്ള വർക്ക് 1100 രൂപയും കേരള എസ്.സി/എസ്.ടി. വിഭാഗത്തിൽ പെട്ടവർക്ക് 500 രൂപയുമാണ് അപേക്ഷാഫീസ്. നിലവിൽ കുസാറ്റിലെ മറ്റു പി.ജി. കോഴ്സുകൾക്ക് അപേക്ഷിച്ചിട്ടുള്ളവർക്കും പുതിയ കോഴ്സിന് അപേക്ഷിക്കാനവസരമുണ്ട്.
അവസാന തീയതി അപേക്ഷാ സമർപ്പണത്തിനുള്ള അവസാന തീയതി ഒക്ടോബർ 26 ആണ്.
വിശദ വിവരങ്ങൾക്കും അപേക്ഷാ ഫോമിനുംwww.cusat.ac.in
https://admissions.cusat.ac.in/forensic/
അസി. പ്രഫസർ,
സെൻ്റ്‌.തോമസ് കോളേജ്, തൃശ്ശൂർ
