“നിർഭയ’യുടെ അന്വേഷണം: ഉദ്യോഗസ്ഥയ്ക്ക് അവാർഡ്

മനുഷ്യമനഃസാക്ഷിയെ നടുക്കിക്കളഞ്ഞ നിർഭയ കൂട്ടബലാത്സംഗക്കേസിന്റെ ചുമതലക്കാരിയായിരുന്ന ഛായാ ശർമ്മയ്ക്ക് ഏഷ്യ സൊസൈറ്റി ഗെയിം ചെയ്ഞ്ചേഴ്സ് അവാർഡ്. ഒക്ടോബറിലാണ് അവാർഡ് ദാനം. നാഷനൽ ഹ്യൂമൻ റൈറ്റ്സ് കമ്മീഷനിൽ ഇൻസ്പെക്ടർ ജനറൽ ആണ് ഛായാ ശർമ്മ. പരസ്പരധാരണയും ആളുകൾക്കിടയിലെ സഹകരണവും വളർത്തിയെടുക്കുക എന്നതാണ് ഏഷ്യാ സൊസൈറ്റിയുടെ ലക്ഷ്യം. ജീവിതത്തിലുടനീളം മനുഷ്യാവകാശങ്ങളുടെ സംരക്ഷക ആയതിനാലാണ് ഛായാ ശർമ്മയ്ക്ക് അവാർഡ് നല്കിയതെന്ന് ഏഷ്യ സൊസൈറ്റി വ്യക്തമാക്കി.