കാണാന് നല്ല ഭംഗിയൊക്കെയുണ്ട്, ആകര്ഷകമായ പരസ്യങ്ങളുമാണ്. പക്ഷേ പുറം മോടികള്ക്ക് അപ്പുറമാണ് യാഥാര്ത്ഥ്യങ്ങള്. വിപണിയിലെ സോഫ്റ്റ് ഡ്രിങ്ക്സുകളെക്കുറിച്ചാണ് പറയാന് പോകുന്നത്. കൃത്രിമ മധുരം അമിതമായി അടങ്ങിയിരിക്കുന്ന സോഫ്റ്റ് ഡ്രിങ്ക്സുകള് ഒരു ശീലമാക്കിയാല് മരണം ചോദിച്ചുവാങ്ങുകയായിരിക്കും ഫലമെന്നാണ് ആരോഗ്യരംഗത്തെ വിദഗ്ദരുടെ അഭിപ്രായം. കാരണം കാലമെത്തും മുമ്പേ മരണമടയാനുള്ള പല സാധ്യതകളും ഇത്തരം സോഫ്റ്റ് ഡ്രിങ്ക്സുകളില് അടങ്ങിയിട്ടുണ്ടത്രെ. നാലു ലക്ഷം യൂറോപ്യന്മാരില് നടത്തിയ പഠനമാണ് ഇക്കാര്യം വെളിച്ചത്തുകൊണ്ടുവന്നിരിക്കുന്നത്. പതിനാറ് വര്ഷമായി ദിവസം ഒന്നോ അതില് കൂടുതലോ ഗ്ലാസ് ഇത്തരം പാനീയങ്ങള് കുടിക്കുന്നവരായിരുന്നു അവര്. കാന്സര്, ഹൃദ്രോഗങ്ങള്, പ്രമേഹം തുടങ്ങിയ രോഗങ്ങള്ക്കുള്ള സാധ്യത ഇത്തരക്കാര്ക്ക് മറ്റുള്ളവരെ അപേക്ഷിച്ചു നോക്കുമ്പോള് വളരെ കൂടുതലാണ്. പഠനത്തിന് വിധേയരാക്കിയവരില് 41,693 പേരും മരണമടഞ്ഞു. ആ മരണങ്ങളൊക്കെ സംഭവിച്ചത് അമ്പതു വയസ് പ്രായത്തിലായിരുന്നു. ന്യൂജന്കാരുടെയും ടെക്കികളുടെയും ഇഷ്ടവിഭവങ്ങള് ഇത്തരത്തിലുള്ള പാനീയങ്ങളാണെന്നാണ് പറയപ്പെടുന്നത്. വ്യായാമരഹിതമായജീവിതവും അനാരോഗ്യകരമായ ഭക്ഷണശീലവും കൂടിചേരുമ്പോള് നമ്മുടെ യുവത്വങ്ങള് മരണത്തിലേക്ക് നടന്നടുക്കുകയാണ് ചെയ്യുന്നത് എന്ന കാര്യം മറക്കാതിരിക്കാം.