ജാതിയുടെയും മതത്തിന്റെയും നിർദ്ദിഷ്ട കളങ്ങളിൽ ഒതുങ്ങിനില്ക്കുന്ന എഴുത്തുകാരനോ പ്രസംഗകനോ അല്ല ഫാ. ജോസഫ് പുത്തൻപുരയ്ക്കൽ. അദ്ദേഹത്തിന്റെ പ്രഭാഷണങ്ങൾക്കും എഴുത്തുകൾക്കും ആരാധകർ ഏറെയാണ്. അച്ചന്റെ യുട്യൂബ് പ്രഭാഷണങ്ങളിൽ നിന്ന് തിരഞ്ഞെടുത്ത ലേഖനങ്ങളുടെ സമാഹാരമാണ് അദ്ദേഹത്തിന്റെ പുതിയ കൃതിയായ ജീവിതം കൊച്ചുകൊച്ചു സന്തോഷങ്ങൾ. വ്യക്തിബന്ധങ്ങളിലും കുടുംബബന്ധങ്ങളിലും സന്തോഷം കണ്ടെത്താനും നഷ്ടപ്പെട്ടുപോയ സന്തോഷങ്ങളെ തിരിച്ചുപിടിക്കാനും സഹായകമായ ചിരിയും ചിന്തയും ചേർന്ന ലേഖനങ്ങളാണ് ഇതിലുള്ളത്. അച്ചന്റെ പ്രഭാഷണങ്ങൾക്ക് അക്ഷരരൂപം നല്കി തയ്യാറാക്കിയിരിക്കുന്നത് വിനായക് നിർമ്മലാണ്.
ജീവിതം കൊച്ചുകൊച്ചു സന്തോഷങ്ങൾ
ഫാ. ജോസഫ് പുത്തൻപുരയ്ക്കൽ
ഡിസി ബുക്സ്, വില 260
