ജന്തുക്കളുടെ ലോകം ഏറെ കൗതുകകാരമാണ്. മനുഷ്യരെ അപേക്ഷിച്ച് പ്രകൃതിയോട് ഇണങ്ങി ജീവിക്കുന്ന അവയില്‍ ഓരോന്നിന്റെയും ജീവിതശൈലി നിരീക്ഷിച്ചാല്‍ വളരെയേറെ കൗതുകങ്ങള്‍ കണ്ടെത്താന്‍ സാധിക്കും. അതില്‍ ചിലത് ഇതാ:-
- ചെമ്മീനിന്റെ ഹൃദയം അതിന്റെ ശിരസ്സിലാണ് സ്ഥിതി ചെയ്യുന്നത്.
- ആന ഏറ്റവും ശക്തനായ മൃഗം ആണെന്നാണ്‌ പറയപ്പെടുന്നത്. എങ്കിലും ആനയാണ് ചാടാന്‍ കഴിയാത്ത ഏക മൃഗം.
- അന്റാര്‍ട്ടിക്കയിലെ ഹിമശേഖരത്തിന്‍റെ മൂന്നു ശതമാനം പെന്‍ഗ്വിനുകളുടെ മൂത്രമാണത്രെ.
- പശുക്കള്‍ അവയുടെ ആയുഷ്കാലത്തില്‍ ഏതാണ്ട് രണ്ടു ലക്ഷം ഗ്ലാസ്‌ പാല്‍ നല്കുന്നുണ്ടത്രേ.
- ജിറാഫിനു നീണ്ട കഴുത്ത് ഉണ്ടെങ്കിലും അവയ്ക്ക് സ്വനഗ്രാഹി ഇല്ലത്രെ.
- ഒട്ടകപക്ഷിയുടെ കണ്ണ് അവയുടെ തലച്ചോറിനേക്കാള്‍ വലുതാണ്‌.
- ആള്‍ക്കുരങ്ങുകളില്‍ ഏതാണ്ട് അമ്പത് ശതമാനത്തിന്റെയും എല്ലുകള്‍ പൊട്ടിയ അവസ്ഥയിലാണത്രേ. സ്ഥിരമായി മരങ്ങളില്‍നിന്നും ചാടുമ്പോള്‍ അവയ്ക്ക് വീഴ്ച സംഭവിക്കുന്നതിനാലാണ് ഇത്.
- ജന്തുശാസ്ത്രജ്ഞര്‍ പറയുന്നത് പൂച്ചകള്‍ മ്യാവൂ ശബ്ദമുണ്ടാക്കുന്നത് പരസ്പരം ആശയവിനിമയം നടത്തുന്നതിനു അല്ലത്രേ. മറിച്ച്, മനുഷ്യരുടെ ശ്രദ്ധ പിടിച്ചു പറ്റാനാണ്.
- 1924 -ല്‍ ഒരു ലാബ്രഡോര്‍ നായയെ പരോള്‍ പോലും ഇല്ലാത്ത ജീവപര്യന്തം ശിക്ഷയ്ക്ക് വിധിച്ചു. ഗവര്‍ണറുടെ പൂച്ചയെ കൊന്നു എന്നതായിരുന്നു കുറ്റം.
- പൂച്ചകള്‍ക്ക് മധുരം രുചിക്കാന്‍ സാധിക്കില്ല. കാരണം, അവയുടെ നാവിന് മധുരത്തിന്‍റെ രുചിമുകുളം ഇല്ല.
- വവ്വാലുകള്‍ തൂങ്ങിക്കിടന്നുകൊണ്ടുതന്നെയാണ് പ്രസവിക്കുന്നത്. താഴേയ്ക്ക് വീഴാതെ ശിശുക്കളെ ചിറകുകള്‍കൊണ്ട് അവ സംരക്ഷിച്ചു പിടിക്കും.
- പെന്‍ഗ്വിനുകളുടെ കാതുകള്‍ നമുക്ക് കാണുവാന്‍ സാധിക്കില്ല. പക്ഷെ, അവയുടെ ശ്രവണശേഷി വളരെ ശക്തമാണത്രെ.
- ഒട്ടകപ്പക്ഷികള്‍ക്ക് കുതിരയെക്കാള്‍ വേഗത്തില്‍ ഓടാന്‍ സാധിക്കും. അതുപോലെ പുരുഷ ഒട്ടകപ്പക്ഷികള്‍ക്ക് സിംഹത്തെക്കാള്‍ ഒച്ചയില്‍ അലറുവാനും സാധിക്കും.
- ലോകത്ത് ഒരു മനുഷ്യന് പത്ത് ലക്ഷം എന്നാ കണക്കില്‍ ഉറുമ്പുകള്‍ ഉണ്ടത്രേ. ഉറുമ്പുകള്‍ ഉറങ്ങാറില്ല. അവയ്ക്ക് ശ്വാസകോശവും ഇല്ല.
- ആയിരക്കണക്കിന് ലെന്‍സുകള്‍ ഉള്ള കണ്ണുകള്‍ ആണ് ചിത്രശലഭങ്ങള്‍ക്കുള്ളത്. എങ്കില്‍ക്കൂടി അവയ്ക്ക് മൂന്നു നിറങ്ങള്‍ മാത്രമേ കാണുകയുള്ളൂ – ചുവപ്പ്, പച്ച, മഞ്ഞ.
