പ്രിയ വായനക്കാരോട്…

വായനയുടെ ലോകത്തും വായനക്കാരുടെ ഹൃദയങ്ങളിലും കഴിഞ്ഞ ഏഴു മാസങ്ങൾക്കുള്ളിൽ സവിശേഷമായ രീതിയിൽ ഇടം നേടാൻ ഒപ്പം മാസികയ്ക്ക് സാധിച്ചതിൽ ഞങ്ങൾ സന്തുഷ്ടരാണ്. ഒപ്പത്തിന്റെ ഫേസ്ബുക്ക് പേജിന് ഇതിനകം നാലായിരത്തോളം ലൈക്കും ഫോളോ വേഴ്സും ഉണ്ടായിക്കഴിഞ്ഞു എന്ന സന്തോഷവും അഭിമാനത്തോടെ പങ്കുവയ്ക്കട്ടെ.  നിങ്ങളുടെ സഹകരണവും പ്രോത്സാഹനവും സ്നേഹവുമാണ് അത് സാധ്യമാക്കിയത്. നിങ്ങളോരോരുത്തരോടും ഹൃദയപൂർവ്വം നന്ദി അറിയിക്കുന്നു.

പുതുവർഷത്തിലേക്ക് കടക്കുമ്പോൾ ഒപ്പം കൂടുതൽ സ്വപ്‌നങ്ങൾ കാണുന്നുണ്ട്. വ്യക്തിതലത്തിലും സാമൂഹ്യതലത്തിലും കുടുംബ തലത്തിലും ക്രിയാത്മകമായ ഇടപെടലുകളും നിർമ്മിതിയും നടത്താൻ ഒപ്പം മാസിക കൂടുതൽ പേരിലേക്ക് എത്തണം. അതുകൊണ്ട്  ഒപ്പം മറ്റുള്ളവർക്ക് പരിചയപ്പെടുത്താൻ, ഒപ്പം പ്രചരിപ്പിക്കാൻ ഞങ്ങൾക്ക് നിങ്ങളുടെ സഹായവും സഹകരണവും കൂടുതൽ ആവശ്യമുണ്ട്.  ഈ സദുദ്യമത്തിൽ പങ്കുചേരുന്നതിന് വരിസംഖ്യ എന്ന നിലയിലോ അല്ലാതെയോ  സാമ്പത്തികമായി സഹായിക്കാൻ താല്പര്യമുള്ളവർക്കായി  ഒപ്പത്തിന്റെ ബാങ്ക് അക്കൗണ്ട് ഡീറ്റെയിൽസ് നല്കുന്നു. ഒപ്പത്തിന്റെ പ്രമോഷനു വേണ്ടി ഇപ്രകാരം പണം നല്കുന്നവർ തങ്ങളുടെ പ്രിയപ്പെട്ടവരുടെ മേൽവിലാസം കൂടി നല്കാൻ മറക്കരുതേ. അവർക്ക് കൃത്യമായി മാസിക അയച്ചു കൊടുക്കുന്നതായിരിക്കും.